عجبتني فنقلتها إليكم>>> تفضلوا.
..
1. ياللي عباتش بعدها على الراس ***** تستاهلين إنحطش فوق الراس
2. كثرت الهدرة والضجة وكثر الحشي ***** وكثر معاهم التناقض بين الناس
3. وحدة لبست نقاب والثانية كتف ***** والثالثة كشفت وقالت عندكم إلتباس
4. والبعض قال حرام وغيرهم حلال ***** والأكثرية قالت انا حرة في اللباس
5. دفة القرون والسنين صارت قديمة ***** وجا محلها موديلات من France
6. والقلة القليلة ماتغيرت حشمتها ***** بس منهم من ابتدا يفكر بس محتاس
7. ليش نسوانا وبناتنا تغيرت دفتهم؟ ***** عدل اللي يسونه لولا؟ وايش المقياس؟
8. كل يوم شكل وموديل هالدفة ***** و اليوم كأنها جلابية مزينة بالألماس
9. أمس كانت نقاب واليوم كتف ***** وتوها قبل أيام كانت على الراس
10. وبكرة بتصير لثام و قصة شَعر ***** وبعدها على قولة الهندي ( كلاس)
11. أجمل وألبق وأريح للي تلبسها ***** وأصعب على الناظر عدم الإختلاس
12. أسويها و أواكب التطور والتحضر؟ ***** لو من دفة أمي وجدتي أخذ إقتباس
13. أسويها وألبس اللي يجذب النظر ***** وأقدم نفسي على طبق للإفتراس
14. أسويها وأتزين لكل ماشي وراكب ***** وبياع وسواق وصايع وكناس
.
15. بس الظاهر انها ما فيها شي!!! ***** مادام هي شايعة هالكثر بين الناس!
.
16. ياللي عبايتش بعدها على الراس ***** لا تفكرين و تضربين أخماس في أسداس
17. الغلط مهما كثر يظل غلط يا مصونة ***** وكثر اللي يسونه أبدا مو مقياس
18. ياقلة الشيعة الموالين في عالمنا ***** ويا كثر الكفار واليهود والأنجاس
19. ويا كثر سماعين الأغاني في ديرتنا ***** ويا كثر حلاقين اللحى بالامواس
20. وياكثر وياكثر لكن خلني ساكت ***** بس ياكثر من لعب بعقلهم أبليس الخناس
21. شفتين أن معظم الناس مو صح ***** يعني الكثرة أبدا لا تخلينها مقياس
22. ولا تفكرين أن أحنا مرة غير شكل ***** عن باقي البلدان من إندونيسيا إلى فاس
23. ترى لو تقرين شوي في التاريخ ***** بتتأكدين أن ستر الوجه عندهم الأساس
24. في المغرب وفي مصر وسوريا ***** كانوا وبعضهم مازالوا على هالأساس
25. وفي مناطق في لبنان نسوانهم ***** كانت عليهم حشمة ترفع الراس
26. حشمة خلت المسيحيات تتغطى ***** مراعاة للذوق العام والاحساس
27. ترى صج كانوا كذا واذا مو مصدقة ***** دوري في الكتب وبين القرطاس
28. لكن الزمن والغرب غيرهم وبدلهم ***** وصار نصيبهم من الإسلام الإفلاس
29. أحنى بقينا وهم تغيروا وتبدلوا ***** و صارت من تتستر عندهم تنداس
30. بحجة أن المره ما تحصل حقوقها ***** إلا لما تكون مثل الريال راسبراس
31. يعني طول هالسنيين مهضوم حقهم ***** وتوهم الحين صاحين من النعاس!
32. لوكانت المرأة مساوية للرجل ***** كان الله ما خلق إثنين أجناس
33. أيه المره كفو الريّال بالتوازي ***** لكن الله خلق جح وخلق أنناس
34. سماد الأناناس ما يصلح للجح ***** ولو سقيته مثل الجح كان خاس
35. معانهم أثنينهم من الأرض نفسها ***** لكن لكل جنس حقوق تختلف ياناس
.
36. ترى حتى البعض من أيام الجاهلية ***** الأمَه كانت تكشف وما عليها باس
37. لكن الحرة من عزتها وكرمتها ***** كان لازم عليها تستر الثلاث حواس
38. فهل تبغين تكونين حرة عزيزة ***** والا عبدة لهواش وكل وسواس؟
39. فإذا أخترتين الحرية والكرامة ***** فإنت ضد التغيير السيئ والانعفاس
40. وأذا يوم وحدة طالعتش وقالت ***** أيش هذا التخلف ويباسة الراس
41. لاتهمش ورددي في قلبش وقولي: ***** "أستحي من ربي ولا أستحي من الناس"
42. الجاهلة اللي كلمتش عقلها فاضي ***** واللي في القدر يطلعه الملاس
43. ويمكن تتذاكي وتقول: من قال ***** عباية زينب كانت على الراس؟
44. يمكن راحت لبو كنان وفصّلت ***** أو راحت للصالح وعطته المقاس!
.
45. زينب حتى الظل ماشافوا لها ***** ولا حتى سمعوا لها صوت أنفاس
46. وباقي أهل البيت كلهم مثلها ***** ومنهم تعلمنا تغطية الوجه والراس
47. عباة الراس و الفخر زينبية لأنها ***** هي أقرب شي لخدر أخت العباس
48. لأنها لا تفصل الرقبة والصدر ***** وساترة من الشعر إلى المداس
49. مومثل غيرها الدخيلة علينا ***** اللي تفصل وتبرز من المره الاقواس!
50. ماكان غير البدو يلبسونها عندنا ***** لما كانوا يشحتون ويضربون الأجراس
51. كنا لوّل نخاف منهم ومن لبسهم ***** والحين صار من لبسهم علينا إنعكاس!
52. وإذا مو عاجبش الحشي فقولي ***** ورفعي صوتش بإقتناع و حماس
53. "يا زهراء ويا زينب انتم قدوتي ***** بس أنا با أقلد بني أمية والعباس!"
54. أيه بني امية!! اللي هند جدتهم ***** أول وحدة تنقبت أم الأنجاس
55. أيه بني امية!! اللي يزيد منهم ***** اللي كسر من الحسين الأضراس
56. يزيد اللي كشف وجوه الفواطم ***** واللي صب على وجه الإمام كاس
57. يزيد اللي غضب على مرته ***** لما دخلت عليه بلا قناع بين الناس!
.
58. لاتفتين أو تسمعين فتوى الجهال ***** وفتوى كل اللي جا وطاس
59. ولا تقولين ليش حلال بس لغيرنا ***** ليش يعني ما عليهم باس؟
60. ياسيهاتية الفتوى مو لش ولا لي ***** ولا للي يؤمن ويقضي القياس
61. الفتوى لمراجعنا هم قدها و أهلها ***** الله يخليهم للشيعة دوم نبراس
62. من زمان قالوا لنا: اجمعوا الستر ***** والحشمة والعُرف داخل خط تماس
63. وخلوا الزينة والعطور برا الملعب ***** ومعاهم كل فتنة تجذب أعين الناس
64. يطلع عندكم فريق يصون نسوانكم ***** ومايقدر أحد بهم بعدها المساس
65. الله يرحم أجدادنا وجداتنا فهموها ***** وكونوا هالفريق الصعب المراس
66. وعلى آخر الزمن جينا وتفلسفنا ***** وقلنا كل أجدادنا كان عندهم إلتباس
67. وخلينا نسوانا يلعبون برا الملعب ***** وخسرنا وقلنا التغيبر شي ماس
68. آآه راحوا أصحاب العقول الذهب ***** وحل مكانهم ناس عقولهم نحاس
69. الرجال أختفت غيرتهم ورجولتهم ***** من كثرأكل لحم الحرام والتراس
70. والحريم طار حياهم ومعاه أنوثتهم ***** والتلفزيون واللي فيه هم الساس
71. لكن نقول للباقية على أصلها وفخرها: ***** يامن على سترها أكثر احتراس
72. ياللي عباتش بعدها على الراس ***** تستاهلين إنحطش فوق الراس
م ،، ن ،، ق ،، و ،، ل
تحياتي
انوثة الندى